ALL OBC CERTIFICATE CANCELLED | Calcutta HC Ka 12 August 2026 Ka Bada Faisla, 5 Lakh Certificate Prabhavit

 West Bengal se OBC certificate ko lekar ek aur badi khabar aa rahi hai. Calcutta High Court ne 12 August 2026 ko faisla sunate hue revised rules ke tahat jaari sabhi OBC-A aur OBC-B certificate radd kar diye hain.

Ye faisla sunte hi rajya me charcha shuru ho gayi hai kyunki isse lagbhag 5 lakh log prabhavit honge.

Court Ne Kya Kaha?

Calcutta High Court ne kaha ki pichli rajya sarkar ne revised rules ke under OBC certificate jaari karte samay sahi process nahi apnaya.

Court ke anusaar OBC list banane ke liye West Bengal Commission for Backward Classes Act, 1993 ka palan karna zaroori hai. Lekin 2010 ke baad bina survey aur bina report ke naye vargo ko OBC me shamil kar diya gaya.

Is wajah se court ne in certificate ko "avaidh" ghoshit kar diya

Kiske Certificate Radd Hue?

1. Radd hue: 2010 ke baad revised rules ke tahat diye gaye OBC-A aur OBC-B certificate

2. Safe hain: 2010 se pehle jaari hue OBC certificate. Unpar koi asar nahi padega

3. Job wale safe hain: Jo log pehle hi sarkari naukri le chuke hain ya reservation ka labh le chuke hain, unki naukri surakshit rahegi

Court ne saaf kaha hai ki purane certificate ke aadhar par jo log already service me hain unhe is faisle se koi nuksan nahi hoga

Mera Opinion: Ye Faisla Sahi Hai Ya Galat?

Dekho bhai, main kisi party ke saath nahi hu. Lekin sach ye hai ki reservation ka matlab hi khatam ho jata hai agar bina survey ke certificate baat diye jaye.

Mere hisaab se court ne sahi kiya. Kyunki agar process hi galat hoga to jo asli pichde log hain unko unka haq nahi milega. 2010 ke baad ek saath 40+ samaj ko OBC me daal dena bina data ke, ye kahin na kahin galat tha.

Lekin dikkat ye bhi hai ki beech me fas gaye wo students aur naukri wale jo imandari se form bhare the. Unka kya kasoor? Sarkar ko chahiye ki jaldi se jaldi nayi survey karke nayi list laaye, taaki kisi ka saal kharab na ho.

Reservation hona chahiye, par kanoon ke hisaab se hona chahiye. Wahi is faisle ka main point hai.

Ab Aage Kya Hoga?

Court ne rajya sarkar ko nirdesh diya hai ki wo naye sir se OBC list banaye. Iske liye:

1. West Bengal Commission for Backward Classes ko survey karna hoga

2. Commission apni report rajya sarkar ko degi

3. Uske baad Vidhan Sabha se manjuri ke baad nayi list lagu hogi

Tab tak naye OBC certificate jaari nahi honge.

Sarkar Ka Kya Rukh Hai?

EX CM Mamata Banerjee pehle bhi 2024 me aaye isi tarah ke faisle ko nahi maani thi. Unhone kaha tha ki OBC reservation jaari rahega. 

Nayi rajya sarkar ke CM Suvendu Adhikary iss 2026 wale faisle ke pura Support Kiya. 

Aam Logon Ke 3 Sawal

1. Mera certificate valid hai ya nahi?

Agar tumhara certificate 2010 se pehle ka hai to valid hai. Agar 2010 ke baad revised rules se bana hai to abhi ke liye radd mana jayega.

2. Kya naukri chali jayegi?

Nahi. Court ne kaha hai jo already job me hain unko nahi nikala jayega.

3. Naya certificate kab banega?

Jab tak nayi OBC list nahi banti tab tak naye certificate band rahenge. Isme 3-6 mahine lag sakte hain.

Nishkarsh

Calcutta HC ka ye faisla OBC reservation system ko sahi dhang se chalane ke liye hai. Lekin isse un logon ko dikkat hogi jo abhi naukri ya admission ke liye apply karne wale the.

Agar tumhara certificate 2010 ke baad ka hai to ghabrao mat. Nayi list aane ke baad dobara apply karne ka mauka milega.

Source: Calcutta High Court Official Order, The Hindu, Indian Express

.

Aap is faisle ke baare me kya sochte hain? Comment me batayein